«ӘДЕБИ-САЗДЫ БАЛ» кеші

8 желтоқсан кешк4 сағ. 20.00-де тұңғыш рет ҚР Ұлттық академиялық кітапханасы Қазақстан Орталық Концерт залында «ӘДЕБИ-САЗДЫ БАЛ» кешін өткізді.

Әдеби салтанатты думанның басты мақсаты – жастарды мәдениет пен өнерге баулу, отбасылық-демографиялық саясатты нығайту, сонымен қатар мәдени жетістіктерді дамыту болып табылады.

Іс-шара Қазақстан Республикасының Президенті Нұрсұлтан Әбішұлы Назарбаевтың  «Болашаққа бағдар: рухани жаңғыру» бағдарламасын іске асыру мақсатында Қазақстанның мәдени және тарихи құндылықтарын насихаттап, мәдени-имидждік жобаларды жүзеге асыру аясында ұйымдастырылып отыр.

Алғашқы рет жаңа жыл мереке қарсаңына орай өткізілген мерекелік кеште өткен ғасырдың кейіпкерлері мен ұлы даналарының бейнелері сахна төрінен орын алаы.

Кеш барысында еліміздің танымал ақын-жазушылары, театр-кино майталмандары және Астана қаласының жарқын жұлдыздары қонақ болды.

Іс-шараға танымал сатирик Көпен Әмірбек, Қ.Қуанышбаев атындағы қазақ музыкалық драма театрының директоры Айболат Сексенбаев, қазақстандық дәстүрлі ән өнерін насхаттаушы әнші, Қазақстанның еңбек сіңірген қайраткері Сауле Жанпейісова, ҚР еңбегі сіңген қайраткері, әнші Гүлзира Бөкейханқызы және т.б. қатысты.