«ӨНЕРДЕН ҚАЛАМ ТАРТҚАН ...» атты сыр-сұхбат кеші

5 қарашада  ҚР Ұлттық академиялық кітапханасында Қазақстан Жазушылар одағының мүшесі, Халықаралық «Алаш» әдеби сыйлығының иегері Сара Шарапқызы Латиеваның «ӨНЕРДЕН ҚАЛАМ ТАРТҚАН ...» атты сыр-сұхбат кеші болып өтті.

Іс-шара барысында Сара Шарапқызы Латиеваның өмірі мен шығармашылығы жайлы әңгімелер қозғалды. Шараға шақырылған қонақтар Сара Шарапқызының әдебиет саласына сіңірген еңбегінің  ұшан-теңіз екендігі жайлы сүбелі әңгімелер айтты.

Белгілі журналист С.Латиева оқырмандарды өнер ұлыларының өмір жолымен таныс  болуға және  шығармашылық танымдарын толықтыру жөнінде сыр шертті. Сондай-ақ, шығармашылық кеш барысында қазақ өнер тарландары мен өнер тұлғалары жайлы да мәліметтер айтылды. Қазақ өнерінің қайталанбас тұлғалары Хадиша Бөкеева, Күләш Байсейітова, Байғали Досымов туралы жазған туындыларының тарихына тоқталып өтті.

Іс шараға Қазақстан Жазушылар одағының мүшесі, халықаралық «Алаш» әдеби сыйлығының иегері, Қазақстанның еңбек сіңірген қайраткері Шәрбану Бейсенова, ақын, прозашы, «Құрмет» орденінің иегері, жазушы-журналист Марат Мәжитов, ақын, Қазақстанның еңбек сіңірген қайраткері, филология ғылымдарының докторы, профессор Аманжол Әлтай, Қазақстан жазушылар және журналистер одағының мүшесі, белгілі қаламгер, аудармашы, сазгер Бақытжан Әзірбаев Кененұлы,  Қазақстан жазушылар және журналистер одағының мүшесі, балалар жазушысы Толымбек Әбдірайымов, студенттер мен оқушылар және т.б. қатысты.