ЧУВАШИЯ РЕСПУБЛИКАСЫ ЧЕБОКСАРЫ ҚАЛАСЫНЫҢ ҰЛТТЫҚ КІТАПХАНАСЫНДА ҚАЗАҚСТАН ӘДЕБИЕТІ ЖӘНЕ МӘДЕНИЕТІ ОРТАЛЫҒЫ АШЫЛAДЫ

2018 жылдың 25 мамырында Бүкілресейлік кітапханалар күніне орай Қазақстан әдебиеті және мәдениеті орталығы ашылады. 
2016 жылдан бастап Астана қаласындағы Қазақстан Республикасының Ұлттық академиялық кітапханасы шет мемлекеттердің ұлттық кітапханаларында Қазақ әдебиеті мен мәдениеті орталықтарын ашу халықаралық жобасын жүзеге асыруда.
Қазіргі кезде әлемнің 21 елінде орталық жұмыс істейді: Кореяда, Қырғыстан Республикасында, Финляндияда, Венгрияда, Ресей Федерациясында, Арменияда, Малайзияда, Түркияда, Қытай Халық Республикасында, Грузияда, Францияда, Жапонияда, Швецияда, Македонияда, Болгарияда, Чехияда, Италияда, Саха Республикасында, АҚШ-та және Иранда. 
Іс-шараның ашылу салтанатына Чуваш Республикасының Мәдениет және мұрағаттар мәселелері жөніндегі Мәдениет министрі К.Г. Яковлев, Қазақстан Республикасы Ұлттық академиялық кітапханасының өкілі Текесбаева Нұрбала Нұртайқызы, Чувашия халықтары Ассамблеясының өкілдері, ұлттық мәдени ұйымдар, қазақ диаспорасы, шығармашылық интеллигенция, БАҚ өкілдері және кітапханашылар.
Чувашияның Ұлттық кітапханасы заманауи құрал-жабдықтармен, кітап сақтау орындарымен, оқырмандарға қызмет көрсететін залдармен, іс-шаралар ұйымдастырумен, демалыс және коммуникациямен жабдықталған мамандандырылған бөлімшелердің кешені болып табылады. Мекеме баспа басылымдары сақталатын және шығарылатын мекемеден бірте-бірте электрондық ақпарат пен мәдениет орталығына айналады.
«Чувашияның мәдени мұрасы» порталы республиканың тарихы, мәдениеті және чуваш халқының бірегей материалдары бар кітапханалар мен мұражайларды, сондай-ақ, мұрағаттар мен ғылыми мекемелердің цифрлық ақпараттық ресурстарын біріктіреді.
Ұлттық кітапхана Ресей Кітапханалық Ассоциациясының (РБА), Аймақтық кітапхана консорциумдарының ассоциациясының (ARBICON) мүшесі.
Кітапхана базасында облыс орталықтары құрылды: кітап ескерткіштерімен жұмыс жасау; каталогтау; сақтау және қалпына келтіру. 
Орталықта Қазақстан Республикасының Президенті Нұрсұлтан Әбішұлы Назарбаевтың, соның ішінде Елбасының әлемдік саяси аренадағы орны мен рөліне арналған кітаптары, тарих, ғылыми-көпшілік және көркем әдебиеті бойынша қазақ, орыс және ағылшын тілдеріндегі кітаптар ұсынылды. Барлығы 200-ге жуық кітап тапсырылды. Бұл кітаптар оқырмандары арасында үлкен қызығушылыққа ие болып, қазақтың бай мәдени мұрасын тануға мүмкіндік берері сөзсіз
Қазақстан әдебиеті мен мәдениеті орталығы Қазақстан Республикасының Мәдениет және спорт министрлігі, Сыртқы істер министрлігі ықпалдасуымен ашылуда.