«Таңғажайып кітаптар мен қолжазбалар» топтамасы атты көне кітаптар мен қолжазбалар көрмесі

Бүгін ҚР Ұлттық академиялық кітапханасында  «Таңғажайып кітаптар мен қолжазбалар» топтамасы атты көне  кітаптар мен қолжазбалар көрмесі өтті.

Көрмеге көне, 1532 жылғы адам терісінен жасалған кітап (Латын тіліндегі қолжазба), Үлкен кітап – Молла Самарқанидың Әбдірахман Жәмиден жазып алған шығармасы, Кішкентай кітап – Құран кітаптар, Ескі орама қолжазба, «Қалың кітап», «Ескі күнделік», алғашқы қазақ тіліндегі діни эпос – араб графикасында жазылған «Сияр Шариф» қолжазбасы және т.б. кітаптар қойылды.

Қазақстан Республикасы Ұлттық академиялық кітапханасында 1532 жылғы қолжазба сақталуда. Ғалымдардың айтуынша, кітап адам терісінен жасалған. Адамның терісі түптеу үшін пайдаланылған.

Бұл дәстүрдің өркендеуі XVII ғасырға жатады. Дәрігерлер өздерінің кітапханалары үшін ғылымға мұра еткен адамдардың терісінен жасалған  кітаптарға тапсырыс беріп отырған. Дәрігерлер тарапынан бұл  үрдісті сол кездегі ерлікке ұмтылған адамдарға құрмет көрсетумен бірдей.  Осы арқылы дәрігерлер өз ағзаларын ағартушылықтың игілігі жолына берген адамдарды еске алу үшін жасаған.

Іс-шараға зиялы қауым өкілдері, оқушылар мен студенттер қатысты.