Баққожа Мұқайдың 70 жылдығына байланысты еске алу кеші

31 қаңтарда ҚР Ұлттық академиялық кітапханасында жазушы, драматург, Мемлекеттік сыйлықтың лауреаты Баққожа Мұқайдың  70 жылдығына байланысты еске алу кеші болып өтті.

Кеш барысында жазушы Баққожа Мұқайдың өмірі мен шығармашылығы жайлы және оның қоғамдағы рөлі туралы әңгімелер қозғалды.

Ол «Жалғыз жаяу», «Өмірзая» атты романдары мен «Жаңбыр жауып тұр», «Өмір арнасы», «Аққу сазы», «Мазасыз маусым», «Дүние кезек», «Тоят түні», «Жеті желі», «Алғашқы махаббат», «Ертегідей ертеңім» атты кітаптардың авторы. Шығармалары бірнеше тілдерге аударылған.

Баққожа Мұқай 31 қаңтар 1948 жылы Алматы облысы, Райымбек ауданы, Нарынқол ауылында дүниеге келген. Ол ҚР ЮНЕСКО істері жөніндегі Ұлттық комиссиясының мүшесі. Бірнеше медальдармен марапатталған.

Іс-шараға танымал ақындар мен жазушылар, шығармашылық және зиялы қауым өкілдері қатысты.