БОСНИЯ МЕН ГЕРЦЕГОВИНАНЫҢ ТҰҢҒЫШ ПРЕЗИДЕНТІ АЛИЯ ИЗЕТБЕГОВИЧ ТУРАЛЫ КІТАП ПЕН ФОТОКӨРМЕСІНІҢ ТАНЫСТЫРЫЛЫМЫ

    Кітапханада Алия Изетбеговичтің мұражайының «Президент в крупном плане» фотокөрмесі мен «Фотомонография Алии Изетбеговича» кітабының таныстырылымы болып өтті.

   Көрмеге антологиялық философиялық ойлармен, Босния мен Герцеговинаның Тұңғыш Президенті Алия Изетбеговичтің өмірбаянынан алынған дәйексөздермен қоса  40-қа жуық мұрағаттық фотосуреттер қойылып және өмірі мен шығармашылығы туралы қысқаша дәріс өтеді. Көрме аясында «Фотомонография Алии Изетбеговича» кітабы таныстырылды. Кітап Алии Изетбеговичтің саяси және жеке өмірінің ең маңызды сегменттерін қамтиды.

   Алии Изетбегович мұражайының директоры Аднан Жишко: «Бұл көрменің мәні философиялық және өмірлік сипатқа ие. Бүкіл әлем халқы Алия Изетбеговичті тек Босния  мен Герцеговинаның Тұңғыш Президенті және мықты саясаткер деп емес, сондай-ақ әлемге, Босния мен Герцеговинаға деген өзінің ерекше көзқарасы бар философ ретінде де тануы біз үшін маңызды. Изетбегович моральдық және этикалық құндылықтары халықаралық қоғамдастықтағы фактор ретінде БжГ саяси билігі пен беделінің көзі болып табылады, БжГ халықаралық мойындау кезеңінде де, оны сақтау үшін қарулы күресте де шешуші мәнге ие болды,- деп санады». «Президент в крупном плане» фотокөрмесі Стамбул, Загреб және Сараевода таныстырылымы өткен.

 

   Іс-шара қатысушылары:  Қазақстан Республикасы Парламент Мәжілісінің депутаты Асылбек Смағұлов, Босния және Герцеговина Парламенті Халық Палатасының Төрағасы Бакир Изетбекович, Түркия Республикасының Қазақстан Республикасындағы Төтенше және Өкілетті Елшісі Невзат Уянык, Қазақстан Республикасы Мәдениет және спорт вице-министрі Нурғиса Дәуешов, Қазақстан Республикасы Ұлттық академиялық кітапханасының басшысы Умітхан Мұңалбаева, Босния және Герцеговинадағы Қазақстанның құрметті консулы Амел Диздаревич, Қазақстан-Босния «Беркут» ассоциациясының өкілдері, Босния Ұлттық мұражайының директоры Аднан Жишко, тарих ғылымдарының докторы,  профессор,  "Егемен Қазақстан" Республикалық газеті АҚ Басқармасының Төрағасы Дархан Қыдырәлі, филология ғылымдарының докторы, профессор Шәкір Ибраев, шығармашылық қауым өкілдері, Л. Гумилев атындағы ЕҰУ Түркология факультетінің студенттері, журналистер, кітапханашылар. 

 

Ұйымдастырушылар:

Қазақстан Республикасы Мәдениет және спорт министрлігі 

Қазақстан Республикасының Босния және Герцеговинадағы Елшілігі
Сараеводағы Қазақстан Республикасының Құрметті Консулдығы

 «Беркут» Ассоциациясы

Қазақстан Республикасының Ұлттық академиялық кітапханасы