2022 жылы 18 наурыз күні ҚР Ұлттық академиялық кітапханасы ұжымы мен «Аманат» партиясы «Бірлік» филиалымен бірге Президент Жолдауын талқылады.

2022 жылы 18 наурыз күні ҚР Ұлттық академиялық кітапханасы ұжымы мен «Аманат» партиясы «Бірлік» филиалымен бірге Президент Жолдауын талқылады. 

Мемлекет басшысы Қасым-Жомарт Тоқаевтың «Жаңа Қазақстан: жаңару мен жаңғыру жолы» атты Қазақстан халқына жолдауы бүкіл әлемді алаңдатып отырған геосаяси жағдайдың күрт шиеленісуімен байланысты қазіргі заманғы тарихта бұрын-соңды болмаған қаржылық-экономикалық қиындықтармен байланысты жағдаймен тұспа-тұс келіп отыр. Осыған орай шараға қатысқан «Аманат» партиясы мүшелері, кітапханашылар Жаңа Қазақстан құрудағы әр мекеме, ұжым қызметкерлерінің рөлі туралы өз пікірлерін ортаға салды. 

Іс-шараға спикер ретінде Халықаралық «Қазақ тілі» қоғамының вице-президенті Максим Рожин, «Аманат» партиясы «Бірлік» филиалы төрағасының бірінші орынбасары Шыңғысхан Қожахметов,  ҚР Ұлттық академиялық кітапханасы басшысының міндетін атқарушы Нұржан Жолдыбалинов қатысып сөз сөйледі.