ҚұранТәпсірінің қалпына келтірілген нұсқасының тұсаукесері

28 ақпанда Құран Тәпсірінің қалпына келтірілген нұсқасының тұсаукесері өтті.

    Қазақстан Республикасындағы Иран Ислам Республикасы елшілігіне қарасты Мәдениет Ынтымақтастығы Орталығымен бірлескен ынтымақтастықтың нәтижесінде 8-9 ғасырда басталып және X-XVI ғасырларға дейін жазылған бірегей қолжазбаны қалпына келтіру жұмыстары жүргізілген болатын.

Иран Ислам Республикасының Ұлттық кітапхана және мұрағат қызметкерлерінің қолдауымен көп жұмыстар атқарылды. Қайта қалпына келтіру жұмысы алты айға созылып, құнды қолжазба кеше түнде Ұлттық академиялық кітапханаға әкелінді.

   Бұл қолжазба жинақтарының қатарында саналатын парсы тіліндегі Құранның қолжазбасы болып табылады. Атақты Кембридж университетінің ғалымдары Фируза Мелвилл (Абдуллаева) мен Мелвилл Чарльз Петрді дәл осы қолжазба қызықтырған болатын. Олардың пікірінше, аталмыш құнды қолжазба графика-орфографиялық, кодикологиялық сараптаманы қажет етеді және палеографикалық құндылықтары бар, сондай-ақ, реставрациялық жұмыстарды талап етеді.

ҚР Ұлттық академиялық кітапханасының сирек кітаптар мен құнды қолжазбалар коллекциясы Кембридж университетінің және Қазақстан ғалымдары мен кітапхана қызметкерлерімен халықаралық кодикологиялық ұйымдарымен ынтымақтастықта жұмыс жасау жобасын қолға алуды жоспарлап отыр.