«Адамзаттың алып ақыны» атты поэтикалық-музыкалық кеш

28 тамыз сағ.15.00-де ҚР Ұлттық академиялық кітапханасында немістің ұлы ақыны, дана ойшыл, драматург, прозаик, философ, ғалым  И.В. Гётенің туғанына 270 жыл толуына орай «Адамзаттың алып ақыны»  атты поэтикалық-музыкалық кеш өтеді.

28 тамыз ұлы нeмic ақыны, дана ойшыл, драматург, прозашы, философ, ғалым, табиғаттанушы Йоганн Вольфганг фон Гётенің туған күні.

Іс-шара аясында неміс халқының ұлы ақыны И.В. Гётенің «Батыс-шығыс жинағы» атты неміс және қазақ тілдеріндегі  (қазақшаға аударған Төрегелді Тұяқбай) кітабының тұсаукесері өтіп, «ГЁТЕ – 270 жаста» атты кітап көрмесі ұйымдастырылады.

Мерекелік жиынның негізгі мақсаты – ұлы ақынның адамгершілік өмірімен таныстыру, оның философиясын, көзқарасын, рухани мұрасын, поэтикалық шығармалары мен әндерін көпшілікке тарату болып табылады.

1774 ж. Гете «Жас Вертердiң азаптары» атты романын жазады. Ол сондай-ақ, Гетенің бүкiл еуропаға танылған еңбегі – «Фауст» трагедиясын оқырмандарға ұсынды.

Гете поэзия туралы өз ойларын жиі білдіріп отырған. «Әлем қаншалықты ұлы және бай, өмір қаншалықты көп қырлы. Менің өлеңдерімнің бәрі жағдайдан туған. Олар шындықтан шабыт алған, соған негізделген, соған құштарланған» – дейді Гете.

Іс-шараға Қазақстан халқы Ассамблеясы төрағасының орынбасары, Қазақстан Республикасы президенті әкімшілігінің Қазақстан халқы Ассамблеясы хатшылығының меңгерушісі Жансейіт Түймебаев, ҚР Парламенті Мәжілісінің депутаты Алберт Рау, ақын, драматург, жазушы, сатирик, айтыс ақыны, жыршы-жырау, манасшы Баянғали Әлімжанов, Неміс тілі орталығының басшысы Гульнара Фахрудинова,  тарих ғылымдарының докторы, жазушы, филология ғылымдарының докторы Тұрсын Жұртбай, Л.Н. Гумилев атындағы Еуразия Ұлттық университеті шет тілі филологиясы кафедрасының меңгерушісі Айгүл Бишкенова және т.б. қатысты.