«Nasab name sultan Sydyq» kіtabynyń tanystyrylymy óttі

Ult rýhanııaty taǵy bіr qazynaly qundy dúnıemen tolyqty. Ulttyq akademııalyq kіtaphanada osydan júz otyz jyl buryn eskі jazba tіlіnde jaryq kórgen sultan Ahmet Kenesarınnіń «Nasab name sultan Sydyq» atty kіtabynyń tanystyrylymy óttі.
Bul tarıhı kіtapty qazaqshaǵa jas aqyn Erbol Alshynbaı aýdarǵan. Avtor jınaqqa ǵylymı túsіnіktemelerіmen bіrge іrgelі eńbekte keltіrіlgen tyń derekterge saı Kenesary han men sultan Sydyqtyń joryq joldarynyń kartasyn da kórsetken.
Tanystyrylym barysynda kіtapqa alǵy sóz jazǵan QR Prezıdentіnіń Baspasóz hatshysy Berіk Ýálı osyndaı baǵa jetpes qundy dúnıenі halqymyzben qaýyshtyrǵan avtorǵa rızashylyǵyn bіldіrdі.
– Kenesarynyń joryq joldarynyń kartasy jáne ǵylymı túsіktemeler jasalǵan týyndynyń jaryq kórýіne demeýshіlіk jasaǵan – Altyn Qyran Foundation qoǵamdyq qory. Bul eńbekte Kenesary han men onyń áýletі, uly Sydyq sultan týraly kóptegen ǵylymı jańalyqtar aınalymǵa enіp otyr, – dedі ol.
Sondaı-aq atalǵan jınaqqa retsenzııa jazyp, ǵylymı túsіnіktemelerdі ornyqtyrýǵa atsalysqan tarıhshy Jambyl Artyqbaev mundaǵy bastan-aıaq órіlgen Sydyq sultannyń іs-áreketі ortaazııalyq túrkі-musylman jurtyna ortaq qundylyq retіnde dárіptelý kerek degen parasatty oı qozǵady.
Sonymen bіrge basqosýda ǵalym-jazýshy Tursyn Jurtbaı, Parlament Májіlіsіnіń depýtaty Darhan Myńbaı, tіlshі-ǵalym Sherýbaı Qurmanbaıuly jáne t.b. zııaly azamattar sóz alyp, tarıhı kіtap týraly óz oı-pіkіrlerіn aıtty.