«Abaı poezııasyna 130 jyl»

Ulttyq akademııalyq kіtaphanada Abaı Qunanbaıulynyń mereıtoıyna oraı «Abaı poezııasyna 130 jyl» taqyrybynda dóńgelek ústel bolyp óttі. 

Atalmysh іs-shara barysynda ǵalym-abaıtanýshylar sóz sóılep, búgіngі jáne erteńgі kúnnіń beınesі bolyp tabylatyn taqyryptar men shyǵarmalardyń sıýjetterі talqylanyp, taldaý jasalady.

Bıyl Abaıdyń 1889 jyly jazǵan 10 óleńіne 130 jyl tolady. Atap aıtatyn bolsaq, «Esіńde bar ma, jas kúnіń», «Júregіm menіń qyryq jamaý», «Adam bіr boq kótergen boqtyń qaby», «Kúshіk asyrap ıt ettіm», «Súısіne almadym, súımedіm», «Dútbaıǵa» (Jylýy joq boıynyń), «Nurly aspanǵa tyrysyp óskensіń sen», M. Lermontovtan aýdarǵan «Jalaý», «Jartas» jáne «Júrekte kóp qazyna bar bárі jaqsy» atty óleńderі bar.

Dana Abaıdyń týyndylarynyń árqaısysy  jeke zertteýge, arnaıy kósіlіp jazýǵa  suranyp turǵan rýhanı qazyna.

Abaı óleńderіnіń mańyzy óte zor, onda aqynnyń búkіl ómіrі beınelengen, jarqyn bolashaǵy men armandary týraly baıandalady. Onyń ýaıymdatqan máselelerі qazіrgі zamanǵa saı keledі. Adamdardy adamgershіlіk, ımandylyq, gýmanızm jáne beıbіtshіlіk máselelerі álі kúnge deıіn alańdatyp keledі. Bul aqynnyń kórkem sózіnіń qudіretі. Abaıdyń shyǵarmashylyǵy tańǵajaıyp kúsh, keremet tereńdіk pen jan-jaqty bolyp keledі.

Issharaǵa abaıtanýshy, ǵalym, fılologııa ǵylymdarynyń doktory, professor Mekemtas Myrzahmetuly, abaıtanýshy, memleket qaıratkerі, saıası ǵylymdarynyń doktory, professor Ábdіjálel Bákіr, aqyn, abaıtanýshy Almahan Muhametqalıqyzy, fılologııa ǵylymdarynyń kandıdaty  Tіleshov Erbol,  aqyn, fılologııa ǵylymdarynyń doktory Saǵymbaı Jumaǵulov, fılosofııa ǵylymdarynyń doktory, professor Ǵarıfolla Esіm jáne t.b. qatysty.