«Абай поэзиясына 130 жыл»

Ұлттық академиялық кітапханада Абай Құнанбайұлының мерейтойына орай «Абай поэзиясына 130 жыл» тақырыбында дөңгелек үстел болып өтті. 

Аталмыш іс-шара барысында ғалым-абайтанушылар сөз сөйлеп, бүгінгі және ертеңгі күннің бейнесі болып табылатын тақырыптар мен шығармалардың сюжеттері талқыланып, талдау жасалады.

Биыл Абайдың 1889 жылы жазған 10 өлеңіне 130 жыл толады. Атап айтатын болсақ, «Есіңде бар ма, жас күнің», «Жүрегім менің қырық жамау», «Адам бір боқ көтерген боқтың қабы», «Күшік асырап ит еттім», «Сүйсіне алмадым, сүймедім», «Дүтбайға» (Жылуы жоқ бойының), «Нұрлы аспанға тырысып өскенсің сен», М. Лермонтовтан аударған «Жалау», «Жартас» және «Жүректе көп қазына бар бәрі жақсы» атты өлеңдері бар.

Дана Абайдың туындыларының әрқайсысы  жеке зерттеуге, арнайы көсіліп жазуға  сұранып тұрған рухани қазына.

Абай өлеңдерінің маңызы өте зор, онда ақынның бүкіл өмірі бейнеленген, жарқын болашағы мен армандары туралы баяндалады. Оның уайымдатқан мәселелері қазіргі заманға сай келеді. Адамдарды адамгершілік, имандылық, гуманизм және бейбітшілік мәселелері әлі күнге дейін алаңдатып келеді. Бұл ақынның көркем сөзінің құдіреті. Абайдың шығармашылығы таңғажайып күш, керемет тереңдік пен жан-жақты болып келеді.

Ісшараға абайтанушы, ғалым, филология ғылымдарының докторы, профессор Мекемтас Мырзахметұлы, абайтанушы, мемлекет қайраткері, саяси ғылымдарының докторы, профессор Әбдіжәлел Бәкір, ақын, абайтанушы Алмахан Мұхаметқалиқызы, филология ғылымдарының кандидаты  Тілешов Ербол,  ақын, филология ғылымдарының докторы Сағымбай Жұмағұлов, философия ғылымдарының докторы, профессор Ғарифолла Есім және т.б. қатысты.