Кеңес Одағының Батыры, генерал Сабыр Рахимовтың 120 жылдығына арналған танымдық кеші өтті

Сұрапыл соғыс кезеңінде есімі «Азия арыстаны», «Темір генерал» деген атпен аңызға айналып, Отан қорғау жолында ерлікпен қаза тапқан Сабыр Рақымовтың есімін ешкім ұмытпайтыны анық. 
Осы орайда бүгін ҚР Ұлттық академиялық кітапханасы ҚР Мәдениет және спорт министрлігінің қолдауымен Қазақстан Республикасы Қорғаныс министрлігінің "Жас Ұлан" Шымкент республикалық мектебімен бірлесіп Кеңес Одағының Батыры, генерал Сабыр Рахимовтың 120 жылдығына арналған тақырыптық кеш өткізді.
Іс-шара Ұлы Отан соғысындағы шайқас алаңында батырлық пен ерлік танытқан Ұлттық батырлардың рөлін кеңінен көрсету, сондай-ақ өскелең ұрпақ пен жасөспірімдерді патриоттық тұрғыда тәрбиелеу мен баулу жүйесінің нақты және басты бағыттарын қалыптастыру, рухани адамгершілік қасиеттерін сіңіру мақсатында ұйымдастырылды. 
Іс-шараға ҚР Парламент депутатары, ҚР Қарулы Күштерінің ардагерлері, ауған соғысы жауынгерлері, ҚР қоғам қайраткерлері, жоғары әскери және азаматтық жоғары оқу орындарының жетекші ғылыми қызметкерлері, әскери колледж бен мектеп тәрбиеленушілері, ҚР Қорғаныс министрлігінің "Жас Ұлан" қоғамдық бірлестігі, "Жас сарбаз" қоғамдық бірлестігі, сондай-ақ Нұр-сұлтан қаласы мектептерінің мұғалімдері мен оқушылары қатысты.