«Барша адамзатты біріктіруші құрал –кітап» ХXVІІІ Минск халықаралық кітап көрме-жәрмеңкесінде Қазақстанның павильонын ұйымдастырды.

ҚР Ұлттық академиялық кітапханасы ҚР Мәдениет және спорт министрлігінің қолдауымен Қазақстан республикасының Беларусь Республикасындағы елшілігімен бірлесіп 2021 жылдың 18-21 ақпан аралығында «Барша адамзатты біріктіруші құрал –кітап» ХXVІІІ Минск халықаралық кітап көрме-жәрмеңкесінде Қазақстанның павильонын ұйымдастырды.
2021 жыл – Тәуелсіз Мемлекеттер Достастығының құрылғанына 30 жыл. Беларусь Республикасы – осы жылы ТМД-ға төрағалық етуші мемлекет. Сол себепті, ХVІІІ Минск халықаралық кітап көрме-жәрмеңкесінің Орталық экспоненті - Тәуелсіз Мемлекеттер Достастығын жариялауға бастама болды. 
Орталық экспонент – Тәуелсіз Мемлекеттер Достастығы – Беларусь ұлттық алаңын құру тұжырымдамасын алдын ала анықтады. Ал, көрменің ұранын - «Барша адамзатты біріктіруші құрал – кітап» деп қабылдады.
Аталмыш көрмеде Қазақстандық делегацияны Нұр-сұлтан қаласындағы Қазақстан Республикасының Ұлттық академиялық кітапханасы, Қазақстанның өңірлік кітапханалары жеке экспозициялық алаңда қазақ әдебиеті мен мәдениетін насихаттады.
Көрмеде Қазақстан Республикасының тәуелсіздігінің 30 жылдығы, еліміздің мерейтойына арналып жазылған кітаптар, ҚР Тұңғыш Президенті, елбасы Н.Ә.Назарбаев, ҚР Президенті Қ.К.Тоқаев, тарихи және мұрағаттық құжаттар, заманауи басылымдар, сондай-ақ, 2021 жылдағы мерейтойлық авторлардың кітаптары – Ыбырай Алтынсарин, Жамбыл Жабаев, Мұқағали Мақатаев және басқа да қазақ халқының әдебиетін әр қырынан ашатын кітаптар қойылды.
"Елдік экспозиция Қазақстан Тәуелсіздігінің 30 жылдығына арналған және бірқатар қазақстандық ұйымдардың күшімен жасақталған. Стендтің қалыптасуына Қазақстан Республикасының Кітап палатасы мен Қазақстан Жазушылар Одағы ықпал етті, - деп хабарлады Қазақстанның Беларусь Республикасындағы елшілігі. Атап айтсақ, Қазақстан делегациясын Нұр-сұлтан қаласындағы Қазақстан Республикасы Ұлттық Академиялық кітапханасының басшысы Үмітхан Мұңалбаева басқарады.
Көрме аясында Қазақстанның негізгі экспозициясының, ел өңірлерінде шығарылатын кітап өнімдерінің, қазіргі заманның айтулы фолианттары мен әдеби жобалардың тұсаукесері өтті.
Қазақстан павильонының салтанатты ашылу рәсімі 2021 жылғы 18 ақпанда Беларусь Республикасының Ақпарат министрі Игорь Владимирович Луцкийдің, мемлекет қайраткері, дипломат, Беларусь Республикасы Президенті Әкімшілігі Басшысының бірінші орынбасары Максим Владимирович Рыженковтың, Қазақстан Республикасының Беларусь Республикасындағы Төтенше және Өкілетті Елшісі Асқар Асанұлы Бейсенбаевтың, Қазақстан Республикасы Ұлттық Академиялық кітапханасының басшысы, педагогика ғылымдарының докторы, профессор Үмітхан Дәуренбекқызы Мұңалбаеваның, Беларусь Республикасы Ұлттық кітапханасының директоры, педагогика ғылымдарының докторы, профессор Роман Степанович Мотульский, "Звязда" баспа үйінің директоры, бас редакторы Александр Николаевич Карлюкевич, Беларусь Республикасы Жазушылар Одағы төрағасының орынбасары, жазушы, ақын Елена Стельмахтың, Қазақстан мен Беларусьтің ғылыми және шығармашылық зиялы қауым өкілдерінің, Беларусьтегі қазақ диаспорасы, БАҚ өкілдері қатысуымен өтті.
Көрменің салтанатты ашылу рәсімінде педагогика ғылымдарының докторы, профессор, ҚР Ұлттық академиялық кітапханасының басшысы Үмітхан Дәуренбекқызы Мұңалбаева Беларусь Республикасы Президенті Әкімшілігі Басшысының бірінші орынбасары Максим Владимирович Рыженковты қарсы алып, Беларусь Республикасының Ұлттық кітапханасында Қазақстанның Әдебиет және Мәдениет орталығының ашылу мүмкіндігі үшін алғысын білдіріп: "Бүгін біз сіздерге Беларусь жерінде қатысу мүмкіндігі үшін алғыс айтамыз. Бізге Беларусь елі өте ұнады. Осындай қиын-қыстау кезеңге қарамастан, Беларусь барлық елдерді Кітап, Білім, Ғылым және Мәдениет үшін біріктірді. Біз бүгін мүмкін емес нәрсені жасай алған Беларусь Президентіне жеке алғысымызды білдіреміз. Мен Президент мырзаға Қазақстан Президенті Қасым-Жомарт Кемелұлы Тоқаевтың толық шығармалар жинағын сыйға тартқым келеді. Сондай-ақ, қазақстандық кітаптарды Белоруссияның ұлттық кітапханасына сыйға тартпақ ниетім бар. Тәуелсіз Мемлекеттер Достастығының 30 жылдығына арналған бүгінгі көрменің барлық қатысушыларына шын жүректен құттықтаймыз. Қазақстан да Тәуелсіздіктің 30 жылдығын атап өтуде. Сондықтан бүгін Біз Белоруссияның барлық оқырмандарына және халықаралық кітап көрмесінің қатысушыларына осы тамаша кітаптарды сыйға тартпақпыз. Бұл жердегі ең үздік кітап - Қазақстан тарихы. Бұл біздің тарихымыз туралы ең құнды кітап. Барлығыңызға үлкен рахмет! Барлықтарыңызға зор денсаулық, амандық, бүкіл Беларусь халқына табыс және өркендеу тілейміз!"- деді ол.
"Осындай жылы сөздер үшін көп рахмет! Шынында да, екі ел арасы мен Қазақстанның Тұңғыш Президенті арасында өте жылы, жақын қарым-қатынастамыз. Біз осы қарым-қатынасты өте жоғары бағалаймыз. Бүгін Белоруссияда Қазақстанның бай мәдениетін, дәстүрлерін кітаптар арқылы ұсынғаныңыз біз үшін өте маңызды. Біз сіздерге өте ризамыз! Осындай кітап сыйлау сынды көңілдеріңіз біздің достығымызды, ынтымақтастығымызды одан әрі нығайтады деп сенемін!"- деп жауап берді Максим Владимирович Рыженков.
ТМД елдерінің концерттік бағдарламалар аясында ақын, "Дарын" мемлекеттік жастар сыйлығының лауреаты Бекзат Смағұлов пен қазақстандық орындаушы Әлия Гуцеваның өнер көрсетуі жоспарланған. Олардың репертуарларында Латиф Хамеди мен Мұқағали Мақатаевтың шығармалары орындалады, олардың мерейтойлары Қазақстанда кеңінен атап өтіледі", – деп атап өтті Қазақстан елшілігінде.
Сонымен қатар, көрме алаңында Нұр-сұлтан қаласындағы Қазақстан Республикасының Ұлттық Академиялық Кітапханасы мен Беларусь Республикасының Ұлттық кітапханасы арасында ынтымақтастық туралы Меморандумға қол қойылады деп күтілуде. Ал оның бастамасы Беларусь Республикасының Ұлттық кітапханасында Қазақстан әдебиеті мен мәдениеті орталығының ашылуы болады.
Сондай-ақ, қазақстандық делегацияның Беларусь Жазушылар одағы өкілдерімен кездесуі жоспарланған.