Екі ел кітапханалары арасындағы ынтымақтастық туралы Меморандумға қайта қол қойылды

Чехияның Клементинум Ұлттық кітапханасында Қазақстан Республикасының Ұлттық академиялық кітапханасы мен Чехия Ұлттық кітапханасы арасындағы ынтымақтастық туралы меморандумға қайта қол қойылды
Чехиядағы Қазақстан Республикасы Елшілігінің және Қазақстан Республикасы Ұлттық академиялық кітапханасының бастамасымен Чехияның Клементинум атындағы Ұлттық кітапханасында екі кітапхана басшылығының кездесуі өтті. Оған елшілік қызметкерлері де қатысты.
Кездесу аясында екі ел кітапханалары арасындағы ынтымақтастық туралы меморандумға қол қойылды. 
Келіссөздер қорытындысы бойынша тараптар алдағы 2020 жылы Чехияның Ұлттық кітапханасында қазақтың ұлы ақыны Абай Құнанбаевтың 175 жылдығына арналған мәдени-ақпараттық орталық ашуға келісім жасалды.
Бұл орталықта қазақ ақынының шығармалары, өмірдің әртүрлі кезеңдеріндегі суреттер, сонымен қатар веб-сайттар мен осы орталықтың қызметі туралы кең ақпараты бар ақпараттар ұсынылатын болады.
Бұл чех жұртшылығына қазақ мәдениеті мен әдебиетін тереңірек білуге мүмкіндік береді. Сонымен қатар мәдениет, білім және ғылым саласындағы жазушылардың, қоғам қайраткерлерінің шығармашылық кездесулерінің алаңына айналады.