Қазақстан әдебиеттерінің орталығы Париж қаласында

2017 жылдың 16 қазанында Парижде (Франция).  BULAC Шығыс тілдері мен мәдениеті институты кітапханасында Қазақстан әдебиеттері орталығының салтанатты ашылуы болып өтті. . Бұл іс-шара «Рухани жаңғыру» ұлттық бағдарламасын халықаралық деңгейде ЮНЕСКО штаб-пәтерінде таныстыру аясында өткізілді. Қазақстан әдебиеттері орталығы Қазақстан Республикасы Мәдениет және спорт министрлігі, Сыртқы істер министрлігі, Франциядағы Қазақстанның Елшілігінің қолдауымен ашылды.

Қазақстан Республикасының Ұлттық академиялық кітапханасы халықаралық ЮНЕСКО ұйымының аясында өтетін Қазақстан Республикасы Мәдениет және спорт министрлігінің ұйымдастыруымен өтететін «Қоғамдық сананы жаңғырту: қазақстандық жол және Н.Назарбаевтың үлгісі» конференциясына белсене қатысты.

Осы іс-шара аясында Қазақстан Республикасының Ұлттық акакдемиялық кітапханасы бірқатар мәдени іс-шараларды өткізуді жоспарлап отыр.

Қазақстан әдебиеттерінің орталығының салтанатты ашылуына Франциядағы Қазақстанның Төтенше және Өкілетті Елшісі Нұрлан Жұмағалиұлы Дәненов, BULAC  Шығыс тілдері мен мәдениеті институты  кітапханасының директоры Maria-Lise Tsagouria ханым, Қазақстан Республикасының Ұлттық акакдемиялық кітапханасының басшысы Үмітхан Дәуренбекқызы Мұңалбаева, ЮНЕСКО және ИСЕСКО халықаралық ұйымдарының өкілдері, Қазақстанның қоғам мен мәдениет қайраткерлері және зиялылары, Франциядағы отандастарымыздың ассоциациясының өкілдері, Париждегі ЖОО-ның студенттері қатысаты.

BULAC кітапханасы Шығыс тілдері мен мәдениеті институтының ғимаратында орналасқан. Бұнда құжаттар, кітаптар, баспасөз, монографиялардың және т.б. аса бай қоры сақталған. Кітапханада шығыс тілдерін зерттеу және оқу, сонымен қатар Океания, Азия, Африка және тағы басқа материктер өркениетін зерттеу бойынша мәліметтердің қоры бар. Сонымен бірге, әлем елдерінің тарихы, саясаты және экономикасын зерттеуге көп көңіл бөлінеді.

Осы орайда, Қазақстан әдебиеттері орталығының ашылуы шығыс тілдері мен мәдениеті институтының профессорлық-оқытушылық құрамына қазақ халқының салт-дәстүрін, мәдениетін, өнерімен жақын танысуға мүмкіндік бергенін айта кету керек. Бұл Тәуелсіз Қазақстанның жетістіктері мен оның экономика, саясат, әлеуметтік салаларындағы табыстарын көпшілікке таныстыруға жол ашады.

Орталықта Қазақстан Республикасының Президенті Нұрсұлтан Әбішұлы Назарбаевтың, соның ішінде, оның әлемдік саяси аренадағы орны мен рөліне арналған кітаптары, тарих, ғылыми-көпшілік және көркем әдебиеті  бойынша кітаптар ұсынылады.  200-ге жуық кітап ұсынылды. Бұл кітаптар француз оқырмандары арасында үлкен қызығушылыққа ие болып, қазақтын бай мәдени мұрасын тануға  мүмкіндік екені сөзсіз.