Абай мерейтойына арналған жыр эстафетасы

Ұлттық академиялық кітапхана ұжымы Абай жырларын оқу эстафетасына атсалысты.

 

­Абай жырларын оқу эстафетасын ҚР Мәдениет және спорт министрі Ақтоты Рахметоллақызынан, шәкіртім Бекзаттан және бүлдіршін Ханбибіден зор ризашылықпен қабылдап алдым. Осыған орай мен және менің әріптестерім эстафетаны Ұлы Абайдың 14-ші Қара сөзімен және өлеңдерімен жалғастырамыз, - деді кітапхана басшысы Үмітхан Мұңалбаева.
 

Кітапханада Мұхтар Әуезовтың 1942 жылы шыққан «Абай» романының ең бірінші басылымы сақтаулы тұр. Қазақстанның Ұлттық электронды кітапханасында 700-ден аса контент құйылды. Одан бөлек Ұлттық академиялық кітапхана шаңырағында «Абай» академиялық залы оқырмандарға қызмет көрсетуде.