СЫЙҒА КІТАП БЕРУ РӘСІМІ БОЛЫП ӨТТІ

     Кітапханада белгілі ақын, жазушы, драматург, манасшы, Қазақстанның Еңбек сіңірген қайраткері Баянғали Әлімжанның қазақ және ағылшын тілінде жаңадан жарық көрген кітаптарының сыйға беру рәсімі болып өтті. 
      Іс-шара барысында жазушының «Манас» және ағылшын тілінде шыққан кітаптары сыйға берілді. «Манас» кітабы автордың шығармалар жинағының он жетінші томында, ал ағылшын тіліндегі ктабы он сегізінші томында жарияланып отыр.  
      «МАНАС» кітабы. Манас жыры – барша адамзат қаумына бағалы мәдени мұра саналатын, түрік халықтарының ортақ мақтанышы. Қырғыз елінің дарынды жыршылары сан ғасырлар бой биікке шығарып келді. Қазіргі таңда «Манас» эпосының негізгі мазмұнын қазақ оқырмандарына түсінікті қылып айтып беру – заман қажеттілігі. Сондықтан, «Манасты» ықшамдап, негізгі оқиға желісін, қуатты рухын, көркемдік бояуын сақтай отырып, арасында қара сөзбен баяндап, бір кітапқа сыйғызып, жазушы қалың қазақ оқырманына ұсынып отыр.
Роман, повестер, ертегі (ағылшын тілінде)
     Баянғали Әлімжановтың Шығармалар жинағының он сегізінші томына орыс тілінде жазған «Сказ столетнего степняка» романы, «Разрешите жить!», «Аблай хан и его батыры» повестері мен «Доброжелательный Аскар» атты ертегісі жинақталып, ағылшын тілінде басылып шықты. Бұл шығармалардың барлығы да бұрын орыс және қазақ тілдерінде жарық көрген еді. Ал биыл Лондонда ағылшын тілінде жеке кітап болып басылып шықты. Шетелдік оқырмандардың назарын аударып, оң бағасын алған шығарма тұтас бір том болып оқырмандарға ұсынылуда.
     Кітапты ағылшын тіліне аударғандар: Джонаттан Кампион мен Тимур Ахмеджанов.