«Апажан» бейнебаянының тұсаукесері

       
13 сәуір ҚР Ұлттық академиялық кітапханасында «Апажан» бейнебаянының «Тұсау кесу» рәсімі болып өтті.

Бейнебаянды түсірудегі мақсат – балаларға арналған әндерді насихаттау, сондай-ақ, балалар мен ата-аналар арасындағы сыйластық, мейірімділік пен жылулық сезімді көрсету.

Қазіргі уақытта кемшін дүниелердің бірі – балаларға арналған ән. Бейнебаян авторларының айтуынша, балалардың табиғатына келетін әндердің көбірек болуын және олардың дауысына шақтап, лайықты ән жазу қажет. Ал, бейнебаян мазмұны балалардың әжесіне деген махаббатын көрсетеді. Осындай әндер авторларды жаңа бір қырынан тануға септігін тигізері анық.  

Кеш барысында бейнебаянның қалай түсірілгені жөнінде әңгіме қозғалды. Сондай-ақ, бейнебаянды жасаған түсірілім тобымен және  актерларымен де кездесу ұйымдастырылды. 

«Апажан» сөзін жазған Махмұд Қасымбеков, әні Арыстанбек Мұхамедиұлынікі.

Бейнебаянның продюссері – режиисер, сценарист және композитор Оралбек Сарыбасов. Ол 30-ға тарта деректі фильмдердің авторы және режиссеры. 2002 жылы О.Сарыбасовтың «Балалар әні», «Махаббат назы» және «Халық сазы» атты кітаптары жарыққа шықты. Сонымен қатар «Сүгірдің шәкірті», «Кенжалы Айманов», «Өткен күнде белгі бар» кітаптарының жауапты шығарушысы және авторы болып табылады. Елімізде кеңінен тараған «Наз» әнінің де авторы.1991 жылы тұңғыш президент Нұрсұлтан Әбішұлы Назарбаевтың ұлықтау сәтін дер кезінде түсіріп, тәуелсіз Қазақстанның тарихы мен болашағы жайлы деректі фильм түсірді.

Режиссер – Халықаралық ZILANT-2017 кинофестивалінің “Ең үздік қысқаметражды фильм” аталымы бойынша бас жүлденің иегері Ақбөбек Тұлжан.

Бейнебаянға қатысқан актерлар мен орындаушылар: Жаннұр Жәнібекұлы (Қазақ Ұлттық Өнер Университеті мектебінің «фортепиано» мамандығының 3 сынып оқушысы), Мөлдір Жәнібекқызы (Қазақ Ұлттық Өнер Университеті мектебінің «скрипка» мамандығының 1 сынып оқушысы),  Жасмин Амирова (№78 гимназия мектебінің 6 класс оқушысы), «Астана опера» балалар студиясының солистері: Алихан Арманұлы, Еркін Қажымұрат Жәнібекұлы, Лаура Кулекешова,  Лия Абаева, Азиза Омарова.