Оралхан Бөкейдің 75 жылдығына орай «Сүлей суреткер» атты еске алу кеші

9 қазан сағ.15:00-де Қазақстан Республикасының Ұлттық академиялық кітапханасында жазушы-драматург, журналист, ҚР Мемлекеттік сыйлығының лауреаты Оралхан Бөкейдің 75 жылдығына орай «Сүлей суреткер» атты еске алу кеші болып өтті.

Іс-шара барысында Оралхан Бөкейдің өмірі мен шығармашылығы және қоғамдағы рөлі жөнінде әңгімелер қозғалды.

ҚР Ұлттық академиялық кітапхана қорында О.Бөкейдің бірнеше кітаптары бар. Мәселен, «Үркер ауып барады», «Ұйқым келмейді», «Кербұғы», «Өз отыңды өшірме», «Біздің жақта қыс ұзақ», «Человек олень», «Поющие барханы», «След молнии» және т.б.

«Қамшыгер» атты алғашқы жинағы 1970 жылы Алматы қаласындағы «Жазушы» баспасынан басылып шыққан болатын.

Оның кітаптары оннан астам елдерге аударылды.

2000 жылдан бастап Шығыс Қазақстан облысында мемориалдық экспозиция жұмыс жасайды. Ол жерде арнайы мамандар жазушының шығармашылығын насихаттаумен айналысады.

Іс-шараға Асқар Алтай, Тұрлыбек Мәмесейіт, Шерубай Құрманбайұлы, Жанболат Аупбаев, Аманжол Әлтай және т.б. қатысады.           

Оралхан Бөкей 1943 жылы 28 қыркүйек күні Қатон Қарағай ауданы, Шыңғыстай аулында дүниеге келген.