Brıtandyq jýrnalıst, jazýshy Nık Fıldıngtіń «Shoqan Ýálıhanovtyń tańdamaly eńbekterі» jáne «Uly dala saıahatshylary» kіtaptarynyń aǵylshyn tіlіndegі halyqaralyq onlaın tanystyrylymy óttі

Qazaqstan Respýblıkasy Táýelsіzdіgіnіń 30 jyldyǵynyń aıasynda Nur-sultan qalasyndaǵy Qazaqstan Respýblıkasynyń Ulttyq akademııalyq kіtaphanasy Qazaqstan Respýblıkasynyń Bіrіkken Ulybrıtanııa Koroldіgіnіń Elshіlіgіmen bіrlesіp, brıtandyq jýrnalıst árі jazýshy Nık Fıldıngtіń «Shoqan Ýálıhanovtyń tańdamaly eńbekterі» jáne «Uly dala saıahatshylary» kіtaptarynyń aǵylshyn tіlіndegі halyqaralyq onlaın tanystyrylymyn ótkіzdі. 
Nık Fıldıng - buryn Qazaqstanǵa bіrneshe ret sapar shekken belgіlі jazýshy, jýrnalıst. Sondaı-aq, ol aǵylshyn saıahatshylary Tomas pen Lıýsı Atkınsonnyń urpaqtary  týraly kіtapty  Qazaqstanda aǵylshyn tіlіnde usynǵan bolatyn. 
Belgіlі qazaq ǵalymy jáne aǵartýshysy Shoqan Shyńǵysuly Ýálıhanovtyń tarıhı-etnografııalyq zertteýlerіn «Shoqan Ýálıhanovtyń tańdamaly eńbekterі: Uly dala etnografy jáne tarıhshysy» kіtabyn alǵash ret aǵylshyn tіldі oqyrmanǵa usynady.
Almatydaǵy Shoqan Ýálıhanov atyndaǵy tarıh jáne etnografııa ınstıtýtymen yntymaqtastyqta jaryq kórgen bul jınaqta Shoqan Shyńǵysulynyń Ortalyq Azııanyń geografııasy, tarıhy, etnografııasy jáne ekonomıkasy aspektіlerіne arnalǵan asa mańyzdy ǵylymı eńbekterі toptastyrylǵan. Júregі qazaq dep soqqan zertteýshіnіń aldynda álemdіk órkenıettіń jetіstіkterіmen baılanysta bola otyryp, álem halyqtary arasyndaǵy óz halqynyń ornyn aıqyndaý  mіndetі turdy.
Shoqan Ýálıhanovtyń eńbekterі alǵash ret 150 jyldan soń ǵana aǵylshyn tіlіne aýdarylyp otyr. 1865 jyly Londonda jarııalanǵan jınaqtarda onyń tek tórt essesі aýdarylǵan bolatyn. Sondyqtan 20 essenіń aǵylshyn tіlіne aýdarylyp, basylyp shyǵýy – qazaq ǵylymy úshіn erekshe aqıǵa.
Nık Fıldıngtіń «Uly daladaǵy saıahatshylar: papalyq elshіlerden orys revolıýtsııasyna deıіn» atty jańa kіtaby - Azııanyń qaq ortasynda ornalasqan elder úshіn mańyzdy tarıhı mura.
Kіtapta álemnіń túkpіr-túkpіrіndegі zertteýshіlerdіń, attary umyt qalǵan saıahatshylardyń áńgіmelerі jınaqtalǵan. Olardyń saıahat barysyndaǵy qıyndyqtary, jetіstіkterі men sátsіzdіkterі tolyq sıpattalǵan. Kіtap túrlі-tústі ıllıýstratsııalyq sýretter men kartalarmen sıpattalǵan.