АСТАНАДА АӨСШК-НІҢ 25 ЖЫЛДЫҒЫНА АРНАЛҒАН КӨРМЕ АШЫЛДЫ

Астана, 5 қазан 2017 жыл ұжымдық қауіпсіздік мәселесі жөнінде құрлықтағы ең ірі форумын шақыру туралы Қазақстан Республикасының Президенті Нұрсұлтан Назарбаев бастамасының 25 жылдығына арналған Астана қаласындағы көрмесінің ашылуында Азиядағы өзара іс-қимыл және сенім шаралары жөніндегі кеңесінің (АӨСШК) одан әрі нығайту маңыздылығын спикерлер атап өтті.

Көрменің ашылу рәсімі 5 қазан күні Ұлттық академиялық кітапханасы ғимаратында Қазақстан Сыртқы істер министрі Қайрат Әбдірахманов, АӨСШК Хатшылығының Атқарушы директоры Гун Цзяньвэй, Ұлттық академиялық кітапханасы директоры Үмітхан Мұналбаева, Қазақстан Президенті Мұрағатының өкілдері, Қазақстан дипломатиялық қызметінің ардагерлері, ҚР Президентінің жанындағы Мемлекеттік басқару академиясы тыңдаушыларының қатысуымен өтті.

Қ.Әбдірахманов өз сөзінде атап өткендей, «ширек ғасырдан кейін АӨСШК-ні шақыру бойынша Қазақстан Президентінің бастамасы толықтай ақтағаны мәлім және бүгін Кеңес Азия құрлығында ұжымдық қауіпсіздік мәселелерін талқылау үшін ең ірі ең ғана емес, сонымен қатар жан-жақты тұғырнама болып табылады».

Министрдің айтуынша, ұйымдастырылған көрме АӨСШК қызметіне Ұлттық академиялық кітапханасы көптеген келушілерінің, олардың арасында ерекше орын алатын қазақстандық жас ұрпақтың назарын тартып, АӨСШК-нің қалыптасу тарихы мен оның одан әрі эволюция келешегін ұсынуға мүмкіндік береді.

Ұсынылған көрме АӨСШК қалыптасуы мен даму кезеңдерін бейнелейтін мұрағат құжаттары мен фотосуреттерді, сонымен қатар халықаралық қауіпсіздік пен Елбасының сыртқы саяси бастамалары тақырыбына арналған кітапхана жинақтарын қамтиды.

Кеңесті шақыру идеясын Қазақстан Республикасының Президенті Нұрсұлтан Назарбаев тұңғыш рет БҰҰ-ның 47-ші Бас Ассамблеясында 1992 жылғы 5 қазанда жариялады. Бұл бастаманың қозғаушы күші Азиядағы бейбітшілік пен қауіпсіздікті қамтамасыз ету үшін тиімді және қолайлы құрылымды құру ниеті болды. Оны дәл осындай құрылым дер кезде туғанына көзі жеткен Азияның бірқатар мемлекеті қолдады.

Бүгін 26 мемлекет Кеңес мүшелері болып табылады. 9 мемлекет пен 5 халықаралық ұйым бақылаушылар ретінде қатысады.

2017 жылғы 20 қыркүйекте Нью-Йоркте өткен БҰҰ Бас Ассамблеясының 72-ші сессиясы аясында АӨСШК-ға қытай төрағалығы бастамасымен  Қазақстан Президенті бастамасының 25-жылдығына арналған Кеңеске мүше-мемлекеттері сыртқы істер министрлерінің бейресми кездесуі өтті. Оның нәтижесінде қабылданған мәлімдемеде сыртқы саяси ведомстволарының басшылары форумға кіретін мемлекеттер «Азия елдерін көбірек қамту үшін, шетелдік алмасуды арттыру үшін және аймақтық пен халықаралық істерде неғұрлым кеңiрек қатысу үшін АӨСШК-ні одан әрі кеңейту, осылайша қауіпсіздікті қамтамасыз етуде, халықтың әл-ауқатын арттыру мен дамытуға жәрдемдесуде неғұрлым белсенді рөл атқарауға ниетті» екенін атап өтті.