«Бір ел – бір кітап- 2018» кітап көрмесі

4 сәуір сағ.15.00-де ҚР Ұлттық академиялық кітапханасында «Бір ел – бір кітап- 2018» кітап көрмесі мен «Менің ойым, менің түйсігім әлі сөнген жоқ»  атты еске алу кеші өтті.

 «Бір ел – бір кітап- 2018»  республикалық оқу акциясында филология ғылымдарының докторы, жазушы, белгілі түркітанушы-ғалым Немат Келімбетов таңдалған болатын. Осыған орай жазушының туғанына 81 жыл толуына байланысты кітапханамызда кітап көрмесі ұйымдастырылды.

Қазақ әдебиетін насихаттау, тарихи, мәдени және рухани мұрамызды сақтау, жастарды отаншылдыққа, өнегелікке тәрбиелеу, сондай – ақ,  оқырмандарды әдеби-көркем шығармаларды оқуға тарту, кітап мәдениетін қалыптастыруға бағытталған «Бір ел – бір кітап» Республикалық акциясы оқырмандар арасында биыл 12  жыл қатарынан өз орнын тауып келеді.

Биылғы жылы акция аясында жалпыхалықтық оқуға келесі кітаптар таңдалды:

1. Шәкәрім «Шығармалары»,

2. Б.Момышұлы «Ұшқан ұя» повесі, 

       3. Н.Келімбетов «Үміт үзгім келмейді»

Іс-шараға мемлекет және қоғам қайраткері, ғалым, филология ғылымының докторы, профессор Мырзатай Жолдасбеков, филология ғылымдарының докторы, профессор Сейіт Қасқабасов, жазушы, Халықаралық «Алаш» әдеби сыйлығының иегері Қуаныш Жиенбай және т.б сынды зиялы қауым өкілдері қатысты.