Қазақстан Республикасының Біріккен Ұлттар ұйымына төрағалық етуіне байланысты кітап көрмесі

3 қаңтар сағ.11.00-де ҚР Ұлттық академиялық кітапханасында Қазақстан Республикасының  Біріккен Ұлттар Ұйымына төрағалық етуіне байланысты кітап көрмесінің ашылуы өтті.


     Іс-шараның мақсаты – Қазақстан мемлекетін əлемдік деңгейде танылуын жəне БҰҰ мүше-мемлекеттердің халықаралық бейбітшілік пен қауіпсіздікті сақтау мəселелерін насихаттау.

Көрмеде БҰҰ тапсырмасына сəйкес, баспасөз беттерінде жəне кітаптарда жинақталып шыққан құжаттар таныстырылып, Қазақстан мемлекетінің Біріккен Ұлттар Ұйымына төрағалық етуіне қатысты әңгімелер қозғалады. Құжаттар қазақ, орыс жəне ағылшын тілдерінде берілген.

Халықаралық мәртебеге ие болған Қазақстан Республикасы БҰҰ Қауіпсіздік Кеңесінде төрағалық ету барысында көптеген жауапкершілікті өзіне жүктей алады. Мəселен, айта кететін болсақ, экономикалық санкцияларға немесе ұжымдық әскери әрекеттерге қатысты шешімдерді қабылдап, бейбітшілік пен халықаралық қауіпсіздікті қамтамасыз етеді.

Іс-шараға ғалым, философия ғылымдарының докторы, профессор Қазақстан ғылым академиясының академигі Ғарифолла Есім, ақын, «Махамбет» сыйлығының иегері, филология ғылымдарының кандидаты Оңайгүл Тұржан, ҚР Еңбек сіңірген мәдениет қайраткері, жазушы Сұлтан Оразалин, ҚР Президенті жанындағы Мемлекеттік басқару академиясының професморы Қуаныш Сұлтанов, жазушы Болат Бодаубай жəне т.б. қатысты.