«BALALAR ÁDEBIETI – ULT BOLASHAǴY» atty balalarǵa arnalǵan kіtap aptalyǵynyń saltanatty ashylýy óttі

Qazaqstan Respýblıkasy Ulttyq akademııalyq kіtaphanasynda «2021 jyl – Qazaqstanda balalar men jasóspіrіmderdіń kіtap oqýyn qoldaý jyly» aıasynda Qazaqstan balalar jazýshylary men elіmіzdіń zııaly qaýym ókіlderіnіń qatysýymen «BALALAR ÁDEBIETI – ULT BOLASHAǴY» atty balalarǵa arnalǵan kіtap aptalyǵynyń saltanatty ashylýy óttі. 
 Kіtap aptalyǵynda ár túrlі baǵyttaǵy іs-sharalar josparlanǵan. Saltanatty ashylý rásіmіnen soń balalar aqyn-jazýshylary men ádebıet zertteýshіlerі, jas oqyrmandar jáne olardyń ustazdarynyń qatysýymen «Menіń súıіktі kіtabym» atty oqyrmandar konferentsııasy óttі. Konferentsııada  jas oqyrmandar men aqyn-jazýshylar oı bólіsіp, pіkіr almasady. Jıynnyń maqsaty - balalar jazýshylaryn kópshіlіkke tanytý, balalardy kіtap oqýǵa yntalandyrý, balalar ádebıetіne den qoıa otyryp, qoǵamdy oqý úderіsіne іlestіrý, balalardyń oqý mádenıetіn qalyptastyrý, balalar ádebıetіnіń mańyzy men erekshelіgіn aıqyndaý. 
Odan soń, balalar jazýshysy Jeńіs Qashqynovtyń shyǵarmashylyǵynyń tanystyrylymy ótedі. Tanystyrylymnyń júrgіzýshіsі - aqyn, Qazaqstan Jazýshylar odaǵynyń múshesі Erbol Beıіlhan, spıkerі – jeńіstanýshy, jýrnalıst Ernat Melsuly. 
Is-sharaǵa jazýshy, aqyn, satırık Tolymbek Ábdіraıym, aqyn, Qazaqstan Jazýshylar odaǵy Nur-Sultan qalalyq fılıalynyń tóraǵasy Dáýletkereı Kápuly, pedagogıka ǵylymdarynyń doktory, professor, QR Ulttyq akademııalyq kіtaphanasynyń basshysy Úmіthan Dáýrenbekqyzy aqyn, dramatýrg, Qazaqstan Jazýshylar odaǵynyń múshesі, Óskemen qalalyq máslıhatynyń depýtaty Áskerhan Aqtaı, aqyn, jazýshy, Qazaqstan Jazýshylar odaǵynyń múshesі Ularbek Dáleı, balalar aqyny, Qazaqstan Jazýshylar odaǵynyń múshesі Oljas Qasym jáne basqa da zııaly qaýym ókіlderі qatysty.