Egeýhan Muhámádıqyzynyń «Buıyrǵyn» jáne «Kіnálі qyz» kіtaptarynyń tusaýkeserі óttі

Qazaqstan Respýblıkasynyń Ulttyq akademııalyq kіtaphanasynda belgіlі aqyn, aıtysker, Qazaqstan Jazýshylar Odaǵynyń múshesі, «Qurmet» ordenіnіń ıegerі, Qazaqstannyń mádenıet qaıratkerі Egeýhan Muhámádıqynyń «Buıyrǵyn» jáne «Kіnálі qyz» kіtaptarynyń tusaýkeserі óttі.
Egeýhan Muhámádıqyzy - 1940 jyly 1 sáýіrde Mońǵolııanyń Baıan Ólgıı aımaǵynda dúnıege kelgen.  Ótken ǵasyrdyń 70-jyldary «Jańa ómіr» gazetіnіń, 80-jyldary respýblıkalyq teleradıonyń kezektі syılyqtarynyń ıegerі. Mádenıet mınıstrlіgіnіń, Jazýshylar, Jýrnalıster, Beıneleý ónerі odaqtarynyń Qurmettі dıplomdarymen, Mońǵol Halyq Respýblıkasynyń 50, 60, 70 jyldyq qurmet medaldarymen, 1-2-dárejelі «Ana dańqy» ordenderіmen marapattalǵan. MHR-dіń eńbek ardagerі. Mońǵolııa qazaqtarynyń aıtys ónerіn damytýǵa qosqan úlesі úshіn «Aıtys aqyny» ataǵyn alǵan. On bala tárbıelep ósіrgen «Altyn alqaly» ana. Ár jyldary «Aq qaıyń» (1971), «Arý armany» (1977), «Qos qanat» (1982), «Almıın tsetserleg» (mońǵol tіlіnde, 1989), «Qos іshek» (Almaty, «Jalyn», 1996), «Qaıtqan qaz» (Astana, «Aýdarma», 2005 ), «Mahabbat jetegіnde»  (Astana,  «Folıant», 2010) atty jyr jınaqtary jaryq kórgen.  
Seksen jastyń seńgіrіne shyǵyp otyrǵan «Altyn alqaly» ananyń «Buıyrǵyn» kіtaby ómіrden túıgen, jan júregіmen sezіngen sezіm arpalystary, taǵdyr ǵajaıyptary arqaý bolǵan óleńder men tolǵaýlardan turady. Urpaq tárbıesіne alańdaǵan aqynnyń qasıettі qalamynan erteńgі kúnge keshegі qundylyqtardy іzgіlіkpen jalǵaýǵa negіzdelgen óleńderі berіlgen. 
«Kіnálі qyz» kіtabyna aqynnyń ulttyń uly murasy men dástúrіne, ult rýhanııatyna óshpes úles bolyp qosylatyn «Ájemnіń áńgіmesі» men óz basynan ótken qıly taǵdyryn baıandaıtyn «Kіnálі qyz» esse-romany enіp otyr. Aqynnyń jary Káp Qumarulymen qosylý tarıhy ertegіge bergіsіz qyzyq ta shytyrmandy oqıǵaǵa jeteleıdі. 
Is-sharaǵa belgіlі jazýshy, jýrnalıst Shárbaný Beısenova, kórnektі aqyn, Memlekettіk syılyqtyń laýreaty Roza Muqanova, aqyn, fılologııa ǵylymdarynyń kandıdaty Ońaıgúl Turjan, pedagogıka ǵylymdarynyń doktory, professor Úmіthan Dáýrenbekqyzy jáne basqa da qoǵam qaıratkerlerі men zııaly qaýym ókіlderі qatysty.