Бакуде Қазақстан әдебиеті мен мәдениеті орталығы ашылды

М.Ф.Ахундова атындағы Әзірбайжан Ұлттық кітапханасында Қазақстан әдебиеті мен мәдениеті 
орталығы ашылды.  
   Орталық VI Баку халықаралық кітап жәрмеңкесі аясында ашылды. Аталмыш жоба қазақта тарихы 
мен мәдениеті, сондай-ақ олардың салт-дәстүрлері, экономика, саясат және басқа салалардағы 
жетістіктері туралы таратуға бағытталған.
Қазақ мәдени орталығында Қазақстанның тұңғыш президенті Нұрсұлтан Назарбаевтың кітаптары, 
сондай-ақ қазақстандық авторлардың еңбектері ұсынылды. 
   Орталықта Елбасы Нұрсұлтан Назарбаевтың қызметі, оның халықаралық саяси аренадағы рөлі 
туралы кітаптары, сонымен қатар белгілі қазақстандық авторлардың қазақ, орыс және ағылшын 
тілдеріндегі жұмыстары ұсынылған.
 Бұл кітаптар оқырмандардың қызығушылығын арттырып, қазақ халқының мәдени байлығымен 
жақынырақ танысуға деген ынтаны оятады.

2016 жылдан бастап Қазақстан Республикасының Ұлттық академиялық кітапханасы ТМД және шет мемлекеттердің Ұлттық кітапханаларында «Қазақстан әдебиеті мен мәдениеті орталықтарын»  ашуды қолға алған болатын. Бүгінгі таңда әлемнің 32 елінде Корея, Қырғыз Республикасы, Финляндия, Венгрия, Ресей Федерациясы, Армения, Малайзия, Түркия, Қытай, Грузия, Франция, Жапония, Швеция, Македония, Болгария, Чехия, Италия, АҚШ (Нью - Йорк көпшілік кітапханасы және Конгресс кітапханасы) Якутия Республикасы, Чуваш Республикасы, Румыния, Иран, Аргентина, Бразилия, Удмуртия, Германия, Испания, Өзбекстан  кітапханаларында орталықтар ашылып, жұмыс істеуде. Орталықтырдың ашылу барысында «Өзара түсіністік және ынтымақтастық туралы» Меморандумдарға қол қойылды, соның аясында әдебиеттермен, тәжірибе алмасу және электронды кітапханаларына қолжетімділік орнатылды.