Ашық есік күні

Ашық есік күні


       Ұлттық академиялық кітапханада 1 қыркүйек «Ашық есік күні» атты мерекелік іс-шара болып өтті. 
     Іс-шараның мақсаты – кітап мұрасын насихаттау, оқырмандарды кітапхана қорымен, сирек және құнды кітаптармен таныстыру, кітап оқу мәдениетіне тарту. Сондай-ақ, Қазақстанның ақпараттық брендіне арналған Қаз ҰЭК-мен таныстыру. 
Қазақстанның Ұлттық электронды кітапханасы порталын жылына 100-ге жуық мемлекеттің оқырмандары  пайдаланады. 
     Мерекелік жиын барысында Абайдың 175 жылдығы және Әбіш Кекілбайұлының 80 жылдығына арналған көлемді илюстрациялық кітап көрмесі, «Білімді ұрпақ-мемлекет тірегі» атты дөңгелек үстел, «Балалар кітапханасының озық оқырманы»  сайыс сағаты, «Аңыздың ақыры - көркем шежіре», «Бір ел – бір кітап» акциясы аясында Ә. Кекілбаевтың  «Аңыздың ақыры» шығармасы бойынша оқырмандар конференциясы, «Білім әлеміне саяхат» кітапханалық керуені, «Қазақстанның мәдени және ғылыми мұрасы» веб-экскурсия, «Елдің зияткерлік нышаны» кітапхана сабағы, «Кітап әлеміне саяхат» библиосерфинг, «Ұлы даланың жеті қыры» кітап көрмесімен таныстыру,  «Ертегі терапиясы»  ертекші Күлаш әжемен кездесу кештері ұйымдастырылды.